#أنا باقي على عهدي

#الصورة

انا باقي على عهدي مدى الازمان م اتخليت
عن الصاحب ولا بنسى صُحب كانت على الفطره

تحيّه من صميم القلب ابعثها لمن حبيت
لمن حَلُّو  وسط قلبي رفاق العمر والعشره

حبايب حُبَّهم باقي حملته حيث ما حلّيت
صداقه عُمْر عشناها على الحلوه على المُرّه

زمانٍ راح وما يرجع ابد منساه ورب البيت
رعاها الله من ايام شفنا الأُنس والسمره

يقول الشاعر البعني على بحر القصيد اسريت
اسجلها قيافيني معانيها كما الدُّره

مع الهاجس انا الليله مُقيّل في زوايا البيت

احاول أرْجِعَ الماضي عسى تطلع لِيَ الصوره

حبايب اختفو عنّي ونا من فُرقهم عانيت
توارو عنّيُّ وْغابو لهم ياصاحبي فتره

بداجي الليل اخايلهم على بالي وقول ياليت
يرجع عهدنا الاول فقد ملّ الفؤاد صبره

الا يا طير مُتعلّي على فوق السُحب عدّيت
بغيتك توصل الديره تطمّني على الخُبره

رفاق المدرسه وحباب قلبي ذي لهم آآخيت
عساهم يذكروني بالوفاء ياطير  لو  مرّه

لهم وحشه وسط قلبي متى ما رحت ولا جيت
وذكراهم معي تبقى بحرف القاف محصوره

صديق العمر عنّي غاب ونا من فرقته ملّيت
أعيش بْعالمٍ ثاني ونفسي دوم مكسوره

أُمَنّي النفس باللُّقيا وْكم من داخلي حنّيت
لأحبابٍ لهم ذكرى بوسط القلب محفوره
الاسلام دين عز#

                        #مسيرة رجل

totoaa59.blogspot.com